• facebook
  • twitter
  • google+
  • youtube
  • rss
أحدث الأخبار|

إيران: روحاني لن يلتقي ترامب في نيويورك معاريف : إسرائيل تتدخل في الانتخابات التونسية وتنشر أخبار كاذبة عن بعض المرشحين هجمات أرامكو.. مسؤول أميركي وآخر عراقي يكشفان مصدرها بعد هجمات أرامكو.. أسعار النفط تشتعل كوريا الجنوبية تعرب عن قلقها إزاء هجوم طائرات مسيرة على منشآت نفط بالسعودية مرسوم رئاسي يحدد حالات العفو العام في سوريا وصول مقاتلات روسية إلى تركيا لهذا السبب ترمب: نعلم مرتكب هجمات أرامكو وجاهزون للرد إيران تنفي مجدداً.. "لا علاقة لنا بهجمات أرامكو" بريطانيا: الهجوم على أرامكو خطير ويستدعي ردا تشويق في انتخابات تونس.. والنهضة "غاضبة" مسؤول أميركي كبير: إيران نفذت هجمات أرامكو من أراضيها مخالفات انتخابات الرئاسة التونسية ..سجائر و50 دينارا لشراء الأصوات قلق أوروبي لإعلان إسرائيل إمكانية ضم مناطق بالضفة الغربية اشتعال التظاهرات في شوارع هونج كونج

السبت 24/08/2019 - 05:45 بتوقيت نيويورك

القصة الكاملة لأزمة "حديث السمنة" لريهام سعيد.. من الحظر الإعلامي لاعتزال الفن والإعلام

القصة الكاملة لأزمة

المصدر / وكالات - هيا

شن رواد مواقع التواصل الاجتماعي هجومًا حادًا على الإعلامية المصرية ريهام سعيد؛ بعد انتقادها أصحاب السمنة، عندما قالت في برنامجها: "الناس التخينة ميتة، عبء على أهلها وعلى الدولة، وبيشوهوا المنظر".

المتابعون اتهموا ريهام سعيد بالتنمر والسخرية من أصحاب الأوزان الثقيلة، رغم التعاطف الكبير الذي حظيت به خلال مرضها، وذهب نشطاء آخرون إلى اعتبار أنها "تتاجر بأوجاع المرضى وتثير الجدل من أجل تحقيق الشهرة".

وعلى موقع "تويتر"، كان حساب يحمل اسم "شاو شاو" قد شن هجومًا عنيفًا على الإعلامية التي اتهمها بالتسبب في أذى العديد من المشاهدين.

فيما عاتبها مدون آخر، قائلًا:" وأنت لما مرضت وبعض الناس تنمرت عليك زعلتي وبكيتي ههههه والآن رجعتي تتنمري على الناس بدون أدنى إحساس سبحان الله ناس مابتتعظ أبدًا".

كما فتح آخر يدعى "مايكل انتكالي" النار عليها، بالقول: "شوفوا نحنا بأي زمن؟ بزمن منعاير غيرنا بالنصاحة! زمن منحكم ع غيرنا بالشكل الخارجي".

شكوى رسمية وقرار مُفاجئ

على إثرذلك، تقدّم المجلس القومي للمرأة بشكوى رسمية إلى المجلس الأعلى لتنظيم الإعلام ضد الإعلامية ريهام سعيد، على خلفية الأزمة التي أحدثتها في برنامجها "صبايا الخير" الذي تقدمه على قناة "الحياة"، عندما انتقدت أصحاب الوزن الزائد.

وقال المجلس، في بيان له إنّ الحلقة التي تحدثت فيها مقدمة البرنامج عن السمنة أثارت استياء السيدات المصريات، كما تضمنت الحلقة عبارات وأوصافًا لا تليق.

ثم أعلنت إدارة شبكة قنوات "الحياة" في مصر، عن وقف برنامج "صبايا" الذي تقدمه ريهام.

وذكرت إدارة القناة، في بيان، أنّ "الإيقاف يستمر إلى حين انتهاء تحقيقات المجلس الأعلي للإعلام معها ويتم إعلان موقف البرنامج وفقًا لما ينتهي له الأمر".

كفاية بهدلة!

وكان رد يهام مُفاجئاً عبر فيديو عبر صفحتها الرسمية على موقع "فيسبوك" تعلق من خلاله على قرار وقفها عن الظهور الإعلامي.

وقالت ريهام: "بما إن هناك حملة ممنهجة من خلال المواقع اللي بتنزل كل 3 دقائق حاجة من الصبح تقوّم بيها الناس عليّ، فمجرد أن يقرأ أحد أنني أهنت الناس البدنية ومرضى السمنة، وبما إننا شعب بيكسل يقرأ ويشوف، فبيصدق على طول ويزيط مع الزيطة ومش مهم بقى الست دي حالها وعيالها".

وأضافت :" مش مهم بقى.. مش مهم نكذب ونصدق الكذبة.. المهم إن أي حد ساهم في وقفي النهاردة من الصحفيين والمواقع هم ناس بتكذب لأني مقلتش ولا حاجة.. والله العظيم ما قلت ولا حاجة.. كل الناس اللى بتكتب تعليقات تحت الأخبار في المواقع واضح إنها سامعة وحافظة مش فاهمة".

وتابعت: "مفيش حد شاف الحلقة، مفيش حد شاف أنا قلت إيه، كل الناس بتردد لبعض كلام أنا ما قلتوش.. كل اللى قلته إن التخين شكله مش حلو ومش قادر يمشي على رجليه وعايش ميت.. في واحدة كاتبة إني قلت ملهوش حق في الحياة، وناس تقول إني أهنتهم.. لكن كلمة عايشين ميتين دي هم اللى قالوهالي، وبتكلم على الناس اللى فوق الـ200 و250 كيلو".

وواصلت: "أنا بعتذر لكل الناس اللي زعلت مني عن سوء فهم لأني لم أقصد إني أهين أي حد.. ومش بعتذر عشان أرجع للشاشة تاني، أنا خلاص مش هشتغل في الإعلام تاني ولا التمثيل تاني، لأن أخطر حاجة على مريض السمنة وكل حاجة هو الضغط، وأنا بقالي 16 سنة مضغوطة".

واستطردت ريهام: "جاء الوقت اللي أرتاح فيه وأقعد مع أولادي وأخلي بالي منهم وأقعد مع جوزي ونقرب من ربنا..16 سنة بخدم الناس بس ونايمة بفكر مين عايز فلوس.. مين عايز كيس دم، ومعملتش فلوس وكانت نيتي خالصة لله سبحانه وتعالى، عمري ما تربحت مرة ولا أخدت فلوس مرة.. عشت بضمير حي وراس مرفوعة".

وأكملت ريهام قائلة: "الناس اللي بتقول أنا غلطت كام مرة.. أنا عمري ما غلطت ولا مرة.. لكن عشان ببقى ناجحة قوي ومسمعة قوي بتحارب، زي الواحدة اللي راحت أجرت لي واحدة وخدوا فلوس قد كده وتطوير واترميت في السجن 45 يوم ظلم.. لو أرجل راجل في الدنيا ميستحملش اللي استحملته نصف ساعة.. أنا اتبهدلت واتظلمت.. أنا عايزة أعيش حياتي كويس.. أنتم خدمتوني النهاردة، كل واحد علق تعليق مش كويس، واللي ألّف تأليفة أنا ما قلتهاش، لأنكم فوقتوني وعرفتوني إني لازم أعيش لنفسي وأولادي.. كفاية كده".

وأضافت: "كفاية بهدلة بقا.. الواحد لازم يعيش بكرامة، وإحساس الظلم ده وحش قوي، كفاية بقا تعبت، خلاص بقا".

ووجهت رسالة للكابتن منتخب مصر السابق أحمد حسن قائلة: "كابتن أحمد حسن مامتك زي القمر وكل حاجة محدش قال إنها مش زي القمر، لكن واضح إنك ماتفرجتش على الحلقة أنت كمان وزيطت مع الزيطة وهيصت مع الهيصة.. هي زي القمر وممكن تبقى زي القمر أكتر لو خست.. مينفعش تشجعها على إنها تبقى تخينة عشان الضغط والكوليسترول ورجلها مش هتقدر تمشي عليها ونفسها تقيل، اسألها هي.. هو ده اللى أنا كنت عايزة أغيره".

وواصلت:" بيقولوا أنتم حلوين وزي القمر كده، لكن ده غلط لأنه بيتعبهم، أنا كنت منهم لكن كنت بعالجهم، لازم يمشوا صح ويحبوا الحياة وينعموا بالنعم اللى ربنا أداهالهم لأن التخت بيموتها عندهم".

وقالت:" أنا ما قلتش حاجة عن التخان، كل ده تأليف وظلم بس انتم خدمتوني وأنا مش راجعة تاني، أنا اتوقفت 30 مرة، وأول مرة أقول كده.. أنا مش راجعة تاني، لأن عندي حاجات اهم أعملها.. ربنا وبعدين ولادي.. بشكركم جدا كل واحد ساهم في وقفي، بشكر جمهوري اللى هيفضل يدعيلي طول عمره، هتوحشوني وانتم عارفين أنا عملت ايه وده يكفي".

واختتمت: "كل الناس اللى بتدخل على المواقع من غير ما تشوف يقولها بلاش تقطع فيّ..ولا أقولك قطّع أنا محتاجة حسنات أكتر وأكتر ".


التعليقات